Kunti Sthuthi

kunty uvāca

namasye purusham tvādyam
īśvaram prakriteh param
alakshyam sarva-bhūtānām
antar bahir avasthitam

māyā-javanikācchannam
ajñādhokshajam avyayam
na lakshyase mūdha-driśā
nato nātyadharo yathā

tathā paramahamsānām
munīnām amalātmanām
bhakti-yoga-vidhānārtham
katham paśyema hi striyah

krishnāya vāsudevāya
devakī-nandanāya ca
nanda-gopa-kumārāya
govindāya namo namah

namah pańkaja-nābhāya
namah pańkaja-māline
namah pańkaja-netrāya
namas te pańkajāńghraye

yathā hrishīkeśa khalena devakī
kamsena ruddhāticiram śucārpitā
vimocitāham ca sahātmajā vibho
tvayaiva nāthena muhur vipad-ganāt

vishān mahāgneh purushāda-darśanād
asat-sabhāyā vana-vāsa-kricchratah
mridhe mridhe ‘neka-mahārathāstrato
drauny-astrataś cāsma hare ‘bhirakshitāh

vipadah santu tāh śaśvat
tatra tatra jagad-guro
bhavato darśanam yat syād
apunar bhava-darśanam

janmaiśvarya-śruta-śrībhir
edhamāna-madah pumān
naivārhaty abhidhātum vai
tvām akiñcana-gocaram

namo ‘kiñcana-vittāya
nivritta-guna-vrittaye
ātmārāmāya śāntāya
kaivalya-pataye namah

manye tvām kālam īśānam
anādi-nidhanam vibhum
samam carantam sarvatra
bhūtānām yan mithah kalih

na veda kaścid bhagavamś cikīrshitam
tavehamānasya nrinām vidambanam
na yasya kaścid dayito ‘sti karhicid
dveshyaś ca yasmin vishamā matir nrinām

janma karma ca viśvātmann
ajasyākartur ātmanah
tiryań-nrishishu yādahsu
tad atyanta-vidambanam

gopy ādade tvayi kritāgasi dāma tāvad
yā te daśāśru-kalilāñjana-sambhramāksham
vaktram ninīya bhaya-bhāvanayā sthitasya
sā mām vimohayati bhīr api yad bibheti

kecid āhur ajam jātam
punya-ślokasya kīrtaye
yadoh priyasyānvavāye
malayasyeva candanam

apare vasudevasya
devakyām yācito ‘bhyagāt
ajas tvam asya kshemāya
vadhāya ca sura-dvishām

bhārāvatāranāyānye
bhuvo nāva ivodadhau
sīdantyā bhūri-bhārena
jāto hy ātma-bhuvārthitah

bhave ‘smin kliśyamānānām
avidyā-kāma-karmabhih
śravana-smaranārhāni
karishyann iti kecana

śrinvanti gāyanti grinanty abhīkshnaśah
smaranti nandanti tavehitam janāh
ta eva paśyanty acirena tāvakam
bhava-pravāhoparamam padāmbujam

apy adya nas tvam sva-kritehita prabho
jihāsasi svit suhrido ‘nujīvinah
yeshām na cānyad bhavatah padāmbujāt
parāyanam rājasu yojitāmhasām

ke vayam nāma-rūpābhyām
yadubhih saha pāndavāh
bhavato ‘darśanam yarhi
hrishīkānām iveśituh

neyam śobhishyate tatra
yathedānīm gadādhara
tvat-padair ańkitā bhāti
sva-lakshana-vilakshitaih

ime jana-padāh svriddhāh
supakvaushadhi-vīrudhah
vanādri-nady-udanvanto
hy edhante tava vīkshitaih

atha viśveśa viśvātman
viśva-mūrte svakeshu me
sneha-pāśam imam chindhi
dridham pāndushu vrishnishu

tvayi me ‘nanya-vishayā
matir madhu-pate ‘sakrit
ratim udvahatād addhā
gańgevaugham udanvati

śrī-krishna krishna-sakha vrishny-rishabhāvani-dhrug-
rājanya-vamśa-dahanānapavarga-vīrya
govinda go-dvija-surārti-harāvatāra
yogeśvarākhila-guro bhagavan namas te

Copyright © 2018 www.godivinity.org. All Rights Reserved