Bhishma Sthuthi

śrī-bhīṣma uvāca

iti matir upakalpitā vitṛṣṇā
bhagavati sātvata-puńgave vibhūmni
sva-sukham upagate kvacid vihartuḿ
prakṛtim upeyuṣi yad-bhava-pravāhaḥ

tri-bhuvana-kamanaḿ tamāla-varṇaḿ
ravi-kara-gaura-varāmbaraḿ dadhāne
vapur alaka-kulāvṛtānanābjaḿ
vijaya-sakhe ratir astu me ‘navadyā

yudhi turaga-rajo-vidhūmra-viṣvak-
kaca-lulita-śramavāry-alańkṛtāsye
mama niśita-śarair vibhidyamāna-
tvaci vilasat-kavace ‘stu kṛṣṇa ātmā

sapadi sakhi-vaco niśamya madhye
nija-parayor balayo rathaḿ niveśya
sthitavati para-sainikāyur akṣṇā
hṛtavati pārtha-sakhe ratir mamāstu

vyavahita-pṛtanā-mukhaḿ nirīkṣya
sva-jana-vadhād vimukhasya doṣa-buddhyā
kumatim aharad ātma-vidyayā yaś
caraṇa-ratiḥ paramasya tasya me ‘stu

sva-nigamam apahāya mat-pratijñām
ṛtam adhikartum avapluto rathasthaḥ
dhṛta-ratha-caraṇo ‘bhyayāc caladgur
harir iva hantum ibhaḿ gatottarīyaḥ

śita-viśikha-hato viśīrṇa-daḿśaḥ
kṣataja-paripluta ātatāyino me
prasabham abhisasāra mad-vadhārthaḿ
sa bhavatu me bhagavān gatir mukundaḥ

vijaya-ratha-kuṭumba ātta-totre
dhṛta-haya-raśmini tac-chriyekṣaṇīye
bhagavati ratir astu me mumūrṣor
yam iha nirīkṣya hatā gatāḥ sva-rūpam

lalita-gati-vilāsa-valguhāsa-
praṇaya-nirīkṣaṇa-kalpitorumānāḥ
kṛta-manu-kṛta-vatya unmadāndhāḥ
prakṛtim agan kila yasya gopa-vadhvaḥ

muni-gaṇa-nṛpa-varya-sańkule ‘ntaḥ-
sadasi yudhiṣṭhira-rājasūya eṣām
arhaṇam upapeda īkṣaṇīyo
mama dṛśi-gocara eṣa āvir ātmā

tam imam aham ajaḿ śarīra-bhājāḿ
hṛdi hṛdi dhiṣṭhitam ātma-kalpitānām
pratidṛśam iva naikadhārkam ekaḿ
samadhi-gato ‘smi vidhūta-bheda-mohaḥ

Copyright © 2018 www.godivinity.org. All Rights Reserved